Lokað hlutafjárútboð hefst í dag
Stjórn Marel Food Systems hf. samþykkti á stjórnarfundi þann 29. nóvember 2007
að hækka hlutafé félagsins með útboði á nýjum hlutum, sem nema um 8% af
heildarhlutafé félagsins, til takmarkaðs hóps hæfra fjárfesta í skilningi laga
um verðbréfaviðskipti. Heildarsöluandvirði útboðsins er á bilinu 2,7-2,9
ma.kr.
Marel Food Systems hyggst gefa út nýja hluti að söluandvirði EUR 147 milljónir
til að fjármagna kaupin á Stork Food Systems og breikka hluthafahóp félagsins.
Framangreint útboð er fyrsta skrefið í öflun þeirra fjárhæðar sem félagið
ráðgerir að afla með sölu hlutafjár. Þegar skilyrði kaupanna á Stork Food
Systems hafa verið uppfyllt er stefnt að frekari sölu á nýjum hlutum í Marel
Food Systems í útboði til forgangsréttarhafa.
Landsbanki Íslands hf. (Landsbankinn) hefur umsjón með útboðinu og sölutryggir
það.
Samantekt á útboðinu
• Útboð nýrra hluta til takmarkaðs hóps hæfra fjárfesta, sbr.
skilgreiningu laga.
• Marel Food Systems hyggst gefa út allt að 29.800.000 nýja hluti, sem nema
um 8% af heildarhlutafé félagsins.
• Verðbréfamiðlun Landsbankans mun taka við áskriftum í dag,
29. nóvember 2007, og til kl. 16:00 þann 3. desember 2007. Marel Food
Systems og Landsbankinn áskilja sér hins vegar rétt til að loka
útboðinu fyrr ef um umframáskrift verður að ræða.
• Marel Food Systems mun, í samráði við Landsbankann, úthluta nýjum hlutum
og áskilur sér rétt til þess að hafna einstökum áskriftum, að hluta til
eða öllu leyti.
• Tilkynnt verður um niðurstöður útboðsins í kjölfar útboðsins eða eigi
síðar en kl. 10:00 þriðjudaginn 4. desember 2007.
• Fjárfestar skulu greiða kaupverð nýju hlutanna eigi síðar en
kl. 16:00 mánudaginn 10. desember 2007.
• Stjórn Marel Food Systems mun nýta heimild til hlutafjárhækkunar sem
veitt var á hluthafafundi félagsins 5. júlí 2007, þar sem hluthafar
félagsins féllu frá forgangsrétti að hinum nýju hlutum.
• Verð nýju hlutanna verður á bilinu 92-96 krónur á hlut.
• Gert er ráð fyrir að nýju hlutirnir verði teknir til viðskipta í OMX
fimmtudaginn 13. desember 2007.
Nánari upplýsingar veita:
Hörður Arnarson, forstjóri Marel Food Systems, í síma 563-8072
Stefán Þór Bjarnason, Forstöðumaður Fyrirtækjaráðgjafar Landsbanka Íslands, í
síma 410-7340
Arnar Arnarsson, Verðbréfamiðlun Landsbanka Íslands, í síma 410-7330