Leiðrétting: Liður 4 í tilkynningu um dagskrá aðalfundarins 25. janúar nk. er leiðréttur og birtur á ný. Fjárhæð arðshlutar er leiðrétt og til viðbótar eru dagsetningar útborgunardags viðskipta án arðs og arðsréttindadags. 4. Stjórn félagsins leggur til að greiddur verði 0,60 kr.í arð til hluthafa á árinu 2008 vegna rekstrarársins 2007 eða kr. 135.380.952. Einnig er lagt til að útborgunardagur arðs verði 29. febrúar 2008. Viðskipti án arðs hefjist mánudaginn 28. janúar og arðsréttindadagur verði miðvikudagurinn 30. janúar 2008. ---------- Aðalfundur Nýherja hf. verður haldinn föstudaginn 25. janúar 2008 í ráðstefnusal félagsins, Borgartúni 37, og hefst fundurinn kl. 16:00. Á dagskrá fundarins verða: 1. Venjuleg aðalfundarstörf samkvæmt gr. 4.5 í samþykktum félagsins. 2. Tillaga um heimild stjórnar um aukningu hlutafjár sbr. 41. gr. hlutafélagalaga. Tillaga um breytingu á grein 2.1. í samþykktum um heimild til handa stjórnar til aukningar hlutafjár í Nýherja hf., lögð fram á aðalfundi félagsins 25. janúar 2008. Aðalfundur Nýherja hf. haldinn 25. janúar 2008 samþykkir eftirfarandi breytingu á grein 2.1. samþykkta félagsins: Stjórn félagsins er heimilt, sbr. 41. gr. Hlutafélagalaga nr. 2/1995, m.s.br., að auka hlutafé félagsins um allt að kr. 65 milljónir með útgáfu nýrra hluta og ráðstafa með eftirfarandi hætti: • Allt að kr. 25 milljónir til greiðslu fyrir hlutafé í TM Software hf. Falla núverandi hluthafar frá forkaupsrétti sínum til kaupa á hlutum þessum. • Allt að kr. 40 milljónir ætlaðar til sölu til núverandi hluthafa og starfsmanna innan Nýherja samstæðunnar. Útboðsgengi á þessu hlutafé verði 22, og skal stjórn félagsins ákveða sölureglur fyrir hlutaféð. Skal áskrift fara fram samkvæmt ákvæðum samþykkta félagsins og V. kafla Hlutafélagalaga. Engar hömlur skulu vera á viðskiptum með hina nýju hluti umfram hömlur á öðrum hlutum í félaginu. Hinir nýju hlutir skulu veita réttindi í félaginu frá skráningardegi hlutafjárhækkunarinnar. Heimild þessi til stjórnar Nýherja hf. gildir í níu mánuði frá samþykkt hennar. 3. Tillaga um heimild félagsins til kaupa á eigin hlutum, sbr. 55 gr. hlutafélagalaga. Aðalfundur Nýherja haldinn 25. janúar 2008 samþykkir heimild til handa stjórn félagsins til að kaupa allt að 10% af nafnverði hlutafjár félagsins, sbr. VIII. kafla laga nr. 2/1995 um hlutafélög. Kaupgengi hluta má ekki vera meira en 20% hærra eða lægra en síðasta skráða gengi á Kauphöll Íslands. Gildistími heimildarinnar er allt að átján mánuðir. 4. Stjórn félagsins leggur til að greiddur verði 0,60 kr.í arð til hluthafa á árinu 2008 vegna rekstrarársins 2007 eða kr. 135.380.952. Einnig er lagt til að útborgunardagur arðs verði 29. febrúar 2008. Viðskipti án arðs hefjist mánudaginn 28. janúar og arðsréttindadagur verði miðvikudagurinn 30. janúar 2008. 5. Önnur mál, löglega upp borin. Atkvæðaseðlar og fundargögn verða afhent á fundarstað. Hluthafar sem ekki geta sótt fundinn, en hyggjast gefa umboð, verða að gera það skriflega. Ársreikningur og tillögur sem lagðar verða fram á fundinum verða settar á vef félagsins, www.nyherji.is, þann 18. janúar nk.