Afkomutilkynning 29. janúar 2008 Afkoma Straums-Burðaráss fjárfestingabanka hf. árið 2007 Hagnaður samstæðu eftir skatta 162,9 milljónir evra Helstu niðurstöður ársins 2007 * Hagnaður eftir skatta var 162,9 milljónir evra árið 2007 samanborið við 515,4 milljónir árið 2006. * Rekstrartekjur námu 330,0 milljónum evra og lækkuðu um 37,5% á milli ára. * Hreinar vaxtatekjur námu 68,8 milljónum evra eða 20,9% af rekstrartekjum og jukust um 61,8% á milli ára. * Hreinar þóknunartekjur námu 131,3 milljónum evra eða 39,8% af rekstrartekjum og jukust um 55,5% á milli ára. * Gengishagnaður nam 111,4 milljónum evra samanborið við 392,3 milljónir árið 2006. * Rekstrarkostnaður nam 118,9 milljónum evra samanborið við 44,1 milljón árið 2006. * Kostnaðarhlutfall ársins var 36,0%. * Þynntur hagnaður á hlut var 0,017 evrur samanborið við 0,051 árið 2006. * Arðsemi eigin fjár var 11,3% samanborið við 42,0% árið 2006. * Heildareignir námu 7.136,9 milljónum evra í árslok 2007 samanborið við 4.357,8 milljónir í árslok 2006. * Eignir í stýringu námu 1,7 milljörðum evra í árslok 2007. * Eiginfjárhlutfall (CAD) var 23,7% í árslok 2007. Eiginfjárþáttur A var 21,4%. * Straumur ber hvorki beina né óbeina áhættu af undirmálslánum eða skuldabréfavafningum. Helstu niðurstöður fjórða ársfjórðungs 2007 * Tap tímabilsins eftir skatta nam 0,6 milljónum evra samanborið við 276,7 milljóna hagnað á sama tímabili árið 2006. * Rekstrartekjur námu 56,5 milljónum evra og drógust því saman um 72,7% miðað við sama tímabil 2006. * Hreinar vaxtatekjur námu 23,0 milljónum evra samanborið við 6,8 milljónir á sama tímabili 2006. * Hreinar þóknunartekjur jukust um 44,1% frá sama tímabili 2006 og námu 36,8 milljónum evra. * Gengishagnaður var neikvæður um 4,4 milljónir evra samanborið við 165,3 milljóna hagnað á sama tímabili 2006. William Fall, forstjóri Straums"Árið 2007 var ár breytinga hjá Straumi. Við færðum út kvíarnar á alþjóðavettvangi og höfum þróast úr íslensku fyrirtæki sem var nær eingöngu með starfsemi á Íslandi yfir í íslenskt fyrirtæki sem hefur haslað sér völl á alþjóðamarkaði með breiðara og dýpra þjónustuframboð og viðskiptamannagrunn en áður. Þrátt fyrir óvenjulega erfiðar markaðsaðstæður á seinni helmingi ársins skiluðum við viðunandi hagnaði yfir árið og bjuggum í árslok að öflugum fjárhag og sterkri lausafjárstöðu. Þóknunartekjur okkar fara vaxandi og starfssvæðið stækkar, sem hvort tveggja er gott vegarnesti á leið okkar að því marki að verða leiðandi fjárfestingabanki í Norður- og Mið-Evrópu." Nánari upplýsingar veita: Stephen Jack Georg Andersen Fjármálastjóri Forstöðumaður fjárfestatengsla stephen.jack@straumur.net georg@straumur.net +44 7885 997570 +354 858 6707
Afkoma Straums-Burðaráss fjárfestingabanka hf. árið 2007
| Source: Straumur-Burðarás Fjárfestingabanki hf.