Góður vöxtur á árinu 2007 Helstu niðurstöður: • Hreinar vaxtatekjur 385 milljónir króna • Hreinar þóknanatekjur 60 milljónir króna • Tap ársins um 45 milljónir króna • Heildareignir í árslok 17.834 milljónir króna samanborið við 4.269 milljónir króna í ársbyrjun • Útlán námu 17.224 milljónum króna til ríflega 9 þúsund viðskiptamanna • Eiginfjárhlutfall á CAD grunni var 9,6% MAGNÚS GUNNARSSON, FRAMKVÆMDASTJÓRI AVANT: „Í raun bjuggum við til nýtt fyrirtæki á árinu 2007. Það gekk mjög vel og er Avant nafnið þegar orðið vel þekkt. Á árinu var unnið markvisst að markaðsstarfi, uppbyggingu innviða og fjármögnun. Uppbyggingarstarfið gekk vel og var vöxtur og afkoma í samræmi við væntingar. Allur kostnaður við hönnun á nýju nafni og merki og markaðsstarf var gjaldfærður á árinu og skýrir það neikvæða afkomu. “ Nánari upplýsingar veitir: Magnús Gunnarsson framkvæmdastjóri Avant í síma 412-8900. Um Avant: Avant hf. er eignaleigufyrirtæki stofnað í ársbyrjun 2006 og starfar eftir lögum um fjármálafyrirtæki nr. 161/2002. Avant er dótturfyrirtæki og alfarið í eigu Askar Capital hf. Starfsemin var áður rekin undir merkjum Sjóvár og þá sem Sjóvá fjármögnun hf. Ársreikningur Avant hf. er gerður í samræmi við alþjóðlega reikningsskilastaðla (IFRS) um ársreikninga.
2007
| Source: Avant hf.