Árshlutareikningur 1.1. - 30.6. 2009 • Hagnaður tímabilsins var € 1,9 milljónir (330 mkr.), en tap nam € 2,3 milljónum (248 mkr.) sama tímabil árið áður. • Rekstrartekjur tímabilsins voru € 18,7 milljónir (3,3 ma.kr.), en voru € 21 milljón (2,3 ma.kr.) sama tímabil árið áður. • Rekstrarhagnaður (EBIT), án annarra tekna og gjalda, var € 1,7 milljónir (299 mkr.) en var € 1 milljón (114 mkr.) sama tímabil árið áður. • Hlutdeild í afkomu HB Granda hf., sem tekjufærð er í árshlutareikninginn, nemur € 568 þúsundum (99 mkr.) en gjaldfærsla vegna hlutdeildar í tapi var á sama tímabili árið áður € 2,8 milljónir (301 mkr.). • Fjárliðir samtals voru € 366 þúsund (64 mkr.) til tekna en voru € 4,6 milljónir (496 mkr.) til gjalda árið áður. Rekstur fyrri helming ársins 2009 Rekstur samstæðunnar á tímabilinu var í takt við áætlun. Framleiðslukostnaður hefur lækkað sem hlutfall af tekjum og Ebit framlegð var 9% af tekjum í stað 5% sama tímabil árið áður. Fjárliðir eru hagstæðir vegna gengishagnaðar og hlutdeildar í hagnaði HB Granda. Efnahagur Heildareignir voru € 78,9 milljónir í lok tímabilsins. Skuldir námu € 42,3 milljónum og eigið fé nam € 36,6 milljónum, en af þeirri upphæð eru € 5,8 milljónir hlutdeild minnihluta í eigin fé dótturfélaga. Hlutfall eigin fjár, þegar hlutdeild minnihluta er meðtalin með eigin fé, var í árslok 46% af heildareignum samstæðunnar. Árshlutareikningurinn er á heimasíðu Hampiðjunnar hf., www.hampidjan.is.