Þann 17. maí 2018 samþykkti borgarráð að endurnýja samninga við Arion banka, Íslandsbanka, Kviku banka og Landsbanka um viðskiptavakt með skuldabréfaflokkana RVK 53 1, RVK 19 1 (RVK 32 1) og RVKN 35 1.
Tekin verður upp viðskiptavakt með skuldabréfaflokkinn RVK 32 1 samhliða útboði á seinni helmingi ársins 2018. Á sama tíma verður viðskiptavakt með skuldabréfaflokkinn RVK 19 1 hætt.
Markmiðið með samningunum er að styrkja aðgang Reykjavíkurborgar að lánsfé og efla verðmyndun á eftirmarkaði.
Viðskiptavakt Arion banka hf., Íslandsbanka hf., Kviku banka hf., Landsbanka hf., gildir frá og með 25. maí 2018 til 31. mars 2019 og hafa þessar fjármálastofnanir heimild til að kalla sig : „Aðalmiðlara með skuldabréf Reykjavíkurborgar“. Helstu atriði samningsins eru:

  • Aðalmiðlarar hafa einir aðgang að útboðum Reykjavikurborgar.
     
  • Aðalmiðlari skuldbindur sig til að leggja fram tilboð að lágmarki 100 m.kr. að nafnverði samanlagt í þá flokka sem í boði eru í hverju útboði, að hámarki þó einu sinni í hverjum mánuði.
     
  • Aðalmiðlarar hafa einir aðgang að sérstökum verðbréfalánum sem Reykjavíkurborg veitir.
     
  • Aðalmiðlari er viðskiptavaki á eftirmarkaði fyrir RVK 53 1 og setur fram kaup- og sölutilboð að lágmarki 30 m.kr. að nafnvirði í NASDAQ OMX á Íslandi fyrir opnun markaðar. 
     
  • Aðalmiðlari er viðskiptavaki á eftirmarkaði fyrir RVKN 35 1 og setur fram kaup- og sölutilboð að lágmarki 40 m.kr. að nafnvirði í NASDAQ OMX á Íslandi fyrir opnun markaðar. 
     
  • Aðalmiðlari er viðskiptavaki á eftirmarkaði fyrir RVK 19 1 og setur fram kaup- og sölutilboð að lágmarki 20 m.kr. að nafnvirði í NASDAQ OMX á Íslandi fyrir opnun markaðar. 

  • Aðalmiðlari er viðskiptavaki á eftirmarkaði fyrir RVK 32 1 og setur fram kaup- og sölutilboð að lágmarki 40 m.kr. að nafnvirði í NASDAQ OMX á Íslandi fyrir opnun markaðar. 
     
  • Hámarksmunur á kaup- og sölutilboðum skal aldrei vera meiri en 1%.
     
  • Viðskiptavaki skal endurnýja tilboð innan 15 mínútna eftir að þeim er tekið.
     
  • Ef aðalmiðlari á viðskipti á einum viðskiptadegi fyrir samtals 90 m.kr. að nafnvirði með RVK 53 1 er honum heimilt að víkja út frá hámarksmun kaup- og sölutilboða.
     
  • Ef aðalmiðlari á viðskipti á einum viðskiptadegi fyrir samtals 120 m.kr. að nafnvirði með RVKN 35 1 er honum heimilt að víkja út frá hámarksmun kaup- og sölutilboða.
     
  • Ef aðalmiðlari á viðskipti á einum viðskiptadegi fyrir samtals 60 m.kr. að nafnvirði með RVK 19 1 er honum heimilt að víkja út frá hámarksmun kaup- og sölutilboða.

  • Ef aðalmiðlari á viðskipti á einum viðskiptadegi fyrir samtals 120 m.kr. að nafnvirði með RVK 32 1 er honum heimilt að víkja út frá hámarksmun kaup- og sölutilboða.

Nánari upplýsingar gefur:
Birgir Björn Sigurjónsson
Fjármálastjóri Reykjavíkurborgar
Sími: 411-1111

Attachment