Icebank tekur 19 milljarða króna lán - mikil umframeftirspurn meðal fjárfesta: Stærsta sambankalán í sögu Icebank Icebank undirritaði í dag 217 milljóna evra sambankalán hjá 34 evrópskum bönkum sem samsvarar 19 milljörðum íslenskra króna. Vegna mikillar umframeftirspurnar og fjölda áhugasamra fjárfesta er endanleg fjárhæð lánsins rúmlega tvöfalt hærri en Icebank leitaði eftir. Þessi niðurstaða staðfestir það mikla traust sem Icebank nýtur erlendis og er stjórnendum bankans hvatning í áframhaldandi vexti bæði á Íslandi og erlendis. Undirritun lánasamninga fór fram í Berchtesgaden í Þýskalandi. Lánið, sem er til þriggja ára, var boðið út 8. mars sl. og voru viðtökur strax mjög góðar. Vaxtaálag er 0,46% og í samræmi við þau kjör sem íslenskir bankar njóta um þessar mundir. Lánsfénu verður varið til að endurfjármagna eldri lán og fjármagna áframhaldandi vöxt bankans. „Mikil umframeftirspurn meðal evrópskra fjárfesta endurspeglar mikið traust þeirra á bankanum. Viðtökurnar eru hvatning fyrir okkur og bjóða upp á fjölmörg áhugaverð tækifæri í samræmi við stefnumótun bankans. Á síðasta ári skiluðum við bestu afkomu í sögu Icebank og er bankinn nú vel í stakk búinn til frekari vaxtar,“ segir Finnur Sveinbjörnsson, bankastjóri Icebank. Lánið leiddu fjórir öflugir evrópskir bankar: þýski bankinn BayernLB, Fortis Bank í Belgíu, HSH Nordbank í Þýskalandi og austurríski bankinn Raiffeisen Zentralbank (lista yfir aðra lánveitendur má sjá hér að neðan). Nánari upplýsingar veita: Finnur Sveinbjörnsson bankastjóri í síma 540 4000. Agnar Hansson, framkvæmdastjóri fjárstýringar, í síma 540 4000. Icebank er viðskiptabanki sem leggur áherslu á heildsölu- og fjárfestingarbankastarfsemi fyrir almenn fyrirtæki, fjármálafyrirtæki, fagfjárfesta og aðra stærri aðila. Bankinn er í eigu allra sparisjóða í landinu. Aðrir lánveitendur: Lead Arrangers: Commerzbank International S.A. Landesbank Baden-Württemberg, London Branch Natixis Norddeutsche Landesbank Luxembourg S.A. The Bank of Tokyo-Mitsubishi UFJ, Ltd. Zürcher Kantonalbank Arranger: Sumitomo Mitsui Banking Corporation Europe Ltd. Lead Manager: Banca Monte dei Paschi di Siena SpA, London Branch Banque et Caisse d'Epargne de l'Etat, Luxembourg Bayerische Hypo- und Vereinsbank AG Chang Hwa Commercial Bank, Ltd., London Branch Geral de Depósitos, S.A. - Sucursal Financeira Exterior DZ BANK AG Deutsche Zentral-Genossenschaftsbank, Frankfurt am Main Landesbank Saar WGZ Bank AG Westdeutsche Genossenschafts-Zentralbank Manager: American Express Bank GmbH Arbejdernes Landsbank BRE Bank SA Dresdner Bank AG Erste Bank der oesterreichischen Sparkassen AG Mega International Commercial Bank Co. Ltd. Offshore Banking Branch National Bank of Egypt (UK) Limited Oberbank AG Raiffeisenlandesbank Burgenland und Revisionsverband registrierte Genossenschafte mit beschränkter Haftung Salzburger Landes-Hypothekenbank Aktiengesellschaft Sparebanken Øst Raiffeisenlandesbank Kaernten - Rechenznetrum und Revisionsverband registrierte Genossenschafte mit beschränkter Haftung Banco Popolare di Verona e Novara S.c.r.l., London Branch Raiffeisenlandesbank Niederösterreich-Wien AG