Nafn tilkynningarskylds aðila: Milestone ehf. Heimilisfang: Suðurlandsbraut 12, 108 Reykjavík Dagsetning viðskipta: 18.7.2007 Fjöldi hluta í viðskiptum: 154.037.511 Fjöldi hluta fyrir viðskipti: 154.037.511 Fjöldi hluta eftir viðskipti: 0 Hlutfall af heildarhlutafé fyrir viðskipti %: 4,57% Hlutfall af heildarhlutafé eftir viðskipti %: 0,00% Tilkynnt á grundvelli: 1. tl. 1. mgr. 33. gr. laga nr. 33/2003 Aðrar upplýsingar: Milestone ehf. og Sjóvá-Almennar tryggingar hf. hafa gengið að tilboði Novator eignarhaldsfélags ehf. um kaup þess síðastnefnda á öllum hlutum félaganna tveggja í Actavis Group hf. Samtals átti Milestone 154.037.511 hluti að nafnvirði og Sjóvá 44.522.259 hluti að nafnvirði - samtals 198.559.770 hluti að nafnvirði í Actavis í gegnum framvirka samninga með hluti í félaginu. Eign félaganna tveggja jafngilti samtals um 5,89% af heildarhlutafé í Actavis Group hf. Eftir að viðskiptin ganga í gegn eiga félög tengd Milestone ehf. engin bréf í Actavis Group hf. Milestone ehf. og tengd félög hafa verið hluthafar í Actavis Group hf. frá stofnun félagsins og Milestone hefur stutt félagið með ráðum og dáð í örum vexti þess síðastliðinn áratug. Gott samstarf hefur verið á milli Milestone og stjórnar, hluthafa og stjórnenda Actavis í gegnum tíðina. Salan markar nokkur tímamót fyrir Milestone sem hefur í auknum mæli einbeitt sér að fjárfestingum í fjármálafyrirtækjum á Norðurlöndum. Milestone notar tækifærið og óskar eigendum og starfsmönnum Actavis velfarnaðar í framtíðinni og þakkar þeim gott og farsælt samstarf í gegnum árin.