Fjármálaeftirlitið (FME) hefur samþykkt umsókn Byrs um breytingu sparisjóðsins í hlutafélag. Stofnfjáreigendur Byrs fjölluðu á fjölmennum fundi hinn 29. ágúst sl. um þá tillögu stjórnar að breyta félagaformi sparisjóðsins í hlutafélag og var hún samþykkt með miklum meirihluta atkvæða. Í framhaldi af því var leitað eftir samþykki FME, sem svo tilkynnti niðurstöðu sína á föstudaginn var (19. sept. sl.) á grundvelli 73. gr. laga nr. 161/2002 um fjármálafyrirtæki. Beðið er samþykkis lánardrottna fyrir breytingunni. Nánari upplýsingar veitir Ragnar Z. Guðjónsson, í síma 575 4000.