Íslandssjóðir, rekstrarfélag verðbréfasjóða Íslandsbanka, hefur birt samantekt á verklagi félagsins á nýjum vef sínum, www.islandssjodir.is. Þar koma fram þeir ferlar sem fylgt er við fjárfestingar hjá Íslandssjóðum, upplýsingagjöf, áhættustýringu og siðareglur félagsins. Á vefnum er einnig að finna reglur Íslandssjóða um hagsmunaárekstra. Nýjum vef Íslandssjóða er ætlað að auka til muna gagnsæi og upplýsingagjöf til viðskiptavina en þar má auk verklags og reglna finna ítarlegar upplýsingar um fyrirtækið og verðbréfasjóði þess. Má þar nefna upplýsingar um ávöxtun sjóðanna, mánaðarleg upplýsingablöð, útboðslýsingar og ársskýrslur Íslandssjóða. Á vefnum má auk þess finna greinar og áhugavert efni úr fjármálaheiminum, t.d. um verðbréfamarkaði, fjárfestingar og verðbréfasjóði. Íslandssjóðir munu áfram leggja mikla áherslu á gagnsæi og öfluga upplýsingagjöf til viðskiptavina. Mánaðarleg upplýsingablöð Íslandssjóða eru einnig aðgengileg á vef Íslandsbanka, í Netbanka Íslandsbanka og í öllum útibúum bankans. Uppgjör Íslandssjóða og forvera þeirra hafa, allt frá stofnun, verið gerð opinber á hálfs árs fresti og hefur félagið þannig verið í fararbroddi í upplýsingagjöf meðal rekstrafélaga verðbréfasjóða á Íslandi. Nánari upplýsingar veita: Agla Hendriksdóttir, Framkvæmdastjóri Íslandssjóða, agla.hendriksdóttir@islandsbanki.is, s. 844 4917 Gunnar Kr. Sigurðsson, Samskiptasvið Íslandsbanka, gunnarks@islandsbanki.is, s. 844 4895
- Íslandssjóðir birta verklag og reglur á Netinu - nýr vefur eykur gagnsæi og upplýsingagjöf til viðskiptavina
| Source: Íslandssjóðir hf.