Hluthafafundur Eyris Invest ehf. („félagið“), var haldinn í húsakynnum félagsins að Skólavörðustíg 13, Reykjavík, þriðjudaginn 5. júní 2012, kl. 12:00.
Eftirfarandi tillögur voru samþykktar á fundinum:
1. Breyting félagsins úr einkahlutafélagi í hlutafélag
Tillaga um að breyta félaginu úr einkahlutafélagi í hlutafélag í samræmi við ákvæði 107. gr. laga nr. 138/1994 um einkahlutafélög var samþykkt.
2. Rafræn skráning hluta
Tillaga um að skrá hlutafé félagsins með rafrænum hætti í samræmi við lög nr. 131/1997 um rafræna eignaskráningu verðbréfa var samþykkt.
3. Breyting samþykkta – meðferð hluta
Tillaga um að afnema allar hömlur á meðferð hluta í félaginu var samþykkt.
4. Önnur mál
Engin önnur mál voru rædd á fundinum.
Viðeigandi breytingar hafa verið gerðar á samþykktum félagsins.