Eyrir Invest hf. hefur tryggt sér langtímafjármögnun frá innlendum bönkum með lokagjalddögum 2016 og 2017 að andvirði samtals 2.100 milljónir íslenskra króna. Þar af eru 2.000 milljónir sem bera REIBOR + 3% vexti er greiðast á sex mánaða fresti með gjalddaga í maí 2015, framlengjanlegt til 2016 og 100 milljónir á breytilegum verðtryggðum vöxtum, nú 5,35%, sem greiðast á sex mánaða fresti með gjalddaga í maí 2017.
Til tryggingar lánunum hefur Eyrir veitt lánveitendum veð í skráðum verðbréfum. Tilgangur fjármögnunarinnar er lausafjárstýring Eyris Invest hf. og fjárfestingar.
Um Eyrir Invest
Eyrir er alþjóðlegt fjárfestingarfélag sem leggur ríka áherslu á virka þátttöku í rekstri og stefnumörkun lykileigna sinna. Kjölfestueignir Eyris eru 33% hlutur í Marel og 17% hlutur í Stork BV sem á og rekur iðnfyrirtækin Stork Technical Services og Fokker Technologies. Á síðustu árum hefur Eyrir aukið vægi sprotafjárfestinga í eignasafni sínu. „Kaupa og styðja til vaxtar“ stefna Eyris hefur skilað góðri ávöxtun frá stofnun félagsins árið 2000
www.eyrir.is