Frestur eigenda skuldabréfaflokksins HSVE 08 01 til þess að samþykkja skipti á skuldabréfum í HSVE 08 01 og skuldabréfum í nýjum skuldabréfaflokki, HSVE 13 01 rann út klukkan 22:00 miðvikudaginn 17. apríl 2013.
Eigendur 82% skuldabréfa í HSVE 08 01 samþykktu skiptin, en stjórn HS Veitna hf. hafði gert það að skilyrði fyrir útgáfu nýja skuldabréfaflokksins að eigendur a.m.k. 67,5% skuldabréfaflokksins HSVE 08 01 myndu samþykkja skiptin.
Skuldabréfaflokkurinn HSVE 13 01 verður gefinn út rafrænt hjá Verðbréfaskráningu Íslands hf. fimmtudaginn 18. apríl 2013. Stærð flokksins verður 5.623.865.000 krónur að nafnvirði. Skuldabréfin eru jafngreiðslubréf til 20 ára, verðtryggð með vísitölu neysluverðs. Þau bera fasta 3,75% ársvexti. Skilmálar bréfanna voru birtir í fréttatilkynningu HS Veitna hf. til NASDAQ OMX Iceland hf. þann 17. apríl 2013. HS Veitur hf. hafa skuldbundið sig til þess að óska eftir því að HSVE 13 01 verði tekinn til viðskipta hjá NASDAQ OMX Iceland hf. fyrir árslok 2013.
Vegna skiptanna mun skuldabréfaflokkurinn HSVE 08 01, sem var áður að nafnvirði 6.000.000.000 króna, minnka um 4.030.000.000 króna að nafnvirði. Þar að auki munu HS Veitur hf. fella niður eign sína í eigin skuldabréfum í HSVE 08 01 sem er að nafnvirði 1.085.000.000 króna. Stærð HSVE 08 01 verður að þessu loknu 885.000.000 króna að nafnvirði og verður flokkurinn áfram skráður hjá NASDAQ OMX Iceland hf.
Deloitte Fjármálaráðgjöf ehf. var ráðgjafi HS Veitna hf. í endurfjármögnunarferlinu. Markaðsviðskipti Landsbankans sjá um framkvæmd skiptanna og Fyrirtækjaráðgjöf Landsbankans mun hafa umsjón með töku HSVE 13 01 til viðskipta hjá NASDAQ OMX Iceland hf.
Nánari upplýsingar veitir:
Júlíus Jónsson, forstjóri HS Veitna hf. s. 422 -5200