Þann 12. júní sl. tilkynnti fagfjárfestasjóðurinn LFEST1 Borgartún (kt. 610510-9810), hér eftir sjóðurinn, um að LF1 ehf. (kt. 640809-0350), hér eftir lántaki, hafi þann sama dag tilkynnt sjóðnum um að hann muni nýta sér rétt til uppgreiðslu skuldabréfaflokksins LFEST1 10 1. Lántaki sjóðsins er í eigu Landfesta ehf. (kt. 440805-0270) sem er í eigu Eik fasteignafélags hf. (kt. 590902-3730).
Í framhaldi af framangreindri tilkynningu um fyrirhugaða uppgreiðslu á LFEST1 10 1 hafa forsvarsmenn sjóðsins og lántaka rætt saman um hugsanlegar skilmálabreytingar á lánasamningi milli aðila. Í samræmi við skilmála LFEST1 10 1 getur sjóðurinn ekki samþykkt skilmálabreytingar á lánasamningi í eigu sjóðsins nema að fengnu samþykki eigenda skuldabréfaflokksins LFEST1 10 1.
Lántaki hefur ráðið H.F. Verðbréf sem ráðgjafa vegna hugsanlegrar skilmálabreytingar milli aðila.
Frekari upplýsingar veitir Jón Finnbogason (jon.finnbogason@stefnir.is), forstöðumaður skuldabréfa hjá Stefni hf.