Í dag var skrifað undir kaupsamning um kaup FÍ fasteignafélags slhf á hluta fasteignarinnar Bankastræti 7. Um er að ræða jarðhæð og kjallara. Seljandi er Bankastræti fasteignafélag ehf. kt. 470208-0740.
Þessi hluti fasteignarinnar Bankastræti 7 er verslunarhúsnæði sem er 811,6 fermetrar að stærð .
Kaupverð er 476,5 mkr og verða fjármögnuð með eigin fé og stækkun á skuldabréfaflokki félagsins FIF 13 01.
Fjárfestingin fellur vel að fjárfestingarstefnu félagsins m.t.t staðsetningu og leigutíma.
Leigutaki í Bankastræti 7 er verslun Cintamani og er húsnæðið því 100% útleigt. Leigusamningur er til 6 ára.
Með kaupunum á Bankastræti 7 þá aukast leigutekjur félagsins um 40 mkr á ári og EBITDA félagsins um 7% á ársgrundvelli.
Gert er ráð fyrir að afhending eignarinnar til FÍ verði í byrjun árs 2016.
Nánari upplýsingar veitir framkvæmdastjóri FÍ, Örn V. Kjartansson s. 8259000,
orn@fifasteignir.is