Þann 12. október 2012 gaf fagfjárfestasjóðurinn REG 1, kt. 680912-9390, út skuldabréf að fjárhæð kr. 5.500.000.000,- Skuldabréfið er skráð í OMX Kauphöll Íslands undir auðkenninu REG 1 12 1.
Í framhaldi af tilkynningu frá 20. nóvember 2015 er boðað til fundar eigenda skuldabréfaflokksins. Fundurinn mun fara fram þann 7. desember 2015 kl. 15:00 að Borgartúni 19, 105 Reykjavík.
Á fundinum verður óskað eftir afstöðu eigenda skuldabréfaflokksins varðandi heimild til handa útgefanda til þess að stækka skuldabréfaflokkinn REG 1 12 1 um allt að kr. 1.500.000.000,- að nafnverði þannig að heildar útgefið nafnverð verði allt að 7.000.000.000,-
Í skilmálum skuldabréfaflokksins REG 1 12 1 kemur fram að til að samþykkja skilmálabreytingu á skuldabréfaflokknum þarf útgefandi samþykki 90% eigenda útgefinna skuldabréfa flokksins m.v. fjárhæð.
Frekari upplýsingar og gögn má nálgast hjá Jóni Finnbogasyni (jon.finnbogason@stefnir.is), forstöðumaður skuldabréfa hjá Stefni hf.