Í viku 44 keypti Sjóvá-Almennar tryggingar hf. (Sjóvá) 1.082.650 eigin hluti að kaupverð 18.296.785 kr. eins og nánar er greint frá hér á eftir:
Dagsetning | Tími | Keyptir hlutir | Viðskiptaverð (gengi) | Kaupverð (kr.) |
30.10.2017 | 12:06:24 | 82.650 | 16,90 | 1.396.785 |
1.11.2017 | 15:17:40 | 1.000.000 | 16,90 | 16.900.000 |
Samtals | 1.082.650 | 18.296.785 |
Er hér um að ræða kaup félagsins á eigin hlutum í samræmi við endurkaupaáætlun félagsins sem tilkynnt var um í Kauphöll þann 21. mars 2017.
Sjóvá átti 64.346.155 eigin hluti fyrir viðskiptin og eiga að þeim loknum 65.428.805 eigin hluti eða sem nemur 4,39% af útgefnum hlutum í félaginu.
Sjóvá hefur keypt samtals 57.347.273 eigin hluti samkvæmt áætluninni eða sem nemur 3,85% af útgefnum hlutum í félaginu og nemur heildarkaupverð þeirra 1.007.500.986 kr. Endurkaup samkvæmt áætluninni áttu að hámarki að nema 140.943.067 hlutum eða sem nemur 9,46% af útgefnum hlutum í félaginu. Heildarkaupverð skyldi þó ekki vera hærra en 2.500.000.000 kr.
Líkt og fram kom í tilkynningu Sjóvá til Kauphallar 2. nóvember síðastliðinn þá tók stjórn Sjóvá-Almennra trygginga hf. ákvörðun um breytingu á yfirstandandi endurkaupaáætlun, sem tilkynnt var um til Kauphallar þann 21. mars 2017, í þá veru að kaupum á eigin hlutum samkvæmt áætluninni yrði hætt. Gildistíma endurkaupaáætlunarinnar var því breytt þannig að henni lauk í lok dags 2. nóvember 2017 og er gildistími hennar því liðinn.
Framkvæmd endurkaupaáætlunarinnar var í samræmi við VIII. kafla laga um hlutafélög nr. 2/1995 og viðauka við reglugerð um innherjaupplýsingar og markaðssvik nr. 630/2005, sem ber heitið „Viðskipti með eigin bréf í endurkaupaáætlunum og verðjöfnun fjármálagerninga.“
Nánari upplýsingar veitir:
Sigríður Vala Halldórsdóttir, fjárfestatengill, s. 844-2136 eða fjarfestar@sjova.is