Síminn hf. hefur í dag selt eigin bréf, samtals 65.457.575 hluti að fjárhæð 173.990.000 kr. Um er að ræða sölu vegna kaupréttarsamninga sem gerðir voru við starfsmenn samstæðunnar að Mílu ehf. undanskilinni. Gengi í samningunum er 2,62 vegna samninga sem gerðir voru 30. september 2015, 3,15 vegna samninga sem gerðir voru í september 2016 og 3,74 vegna samninga sem gerðir voru í september 2017. Samningarnir voru gerðir á grundvelli kaupréttaráætlunar sem hluthafafundur félagsins samþykkti þann 8. september 2015. Alls nýttu 291 starfsmaður sér kaupréttinn að þessu sinni.
Kaupréttaráætlun sem samþykkt var á hluthafafundi þann 8. september 2015 er nú lokið.
Síminn átti 282.776.768 eigin hluti fyrir viðskiptin og á því 217.319.193 eigin hluti eftir viðskiptin.
Sjá nánar í meðfylgjandi viðhengi.
Nánari upplýsingar veitir Ásta Nína Benediktsdóttir fjárfestatengill Símans í netfangi fjarfestatengsl@siminn.is
Viðhengi