Arion banki hf. hefur undirritað nýjan samning við Íslandsbanka hf. um að Íslandsbanki gegni hlutverki viðskiptavaka á hlutabréfum útgefnum af Arion banka sem skráð eru í viðskiptakerfi Nasdaq Iceland hf. með auðkennið ARION. Þessir samningar er einungis vegna hlutabréfa Arion banka sem skráð eru á Íslandi.
Samkvæmt samningnum mun viðskiptavaki daglega alla viðskiptadaga setja fram kaup- og sölutilboð í hlutabréf Arion banka í viðskiptakerfi Nasdaq Iceland áður en markaður er opnaður, að lágmarki í 400.000 hluti. Tilboð skulu endurnýjuð eins fljótt og unnt er, þó ávallt innan 10 mínútna eftir að þeim er tekið að fullu. Hámarksfjöldi hluta sem viðskiptavakar eru skuldbundnir til að kaupa eða selja á hverjum degi er 2.000.000 hlutir.
Verðbil milli kaup- og sölutilboða sem sett eru fram í viðskiptavakt skal að hámarki nema 1,5% og frávik frá síðasta viðskiptaverði sama dags skal ekki vera meira en 3,0%. Ef verðbreyting á hlutabréfum Arion banka innan dags nær 10% er viðskiptavaka heimilt að tvöfalda hámarks verðbil milli kaup- og sölutilboða tímabundið þann daginn.
Jafnfram hefur Arion banki sagt upp samningi um viðskiptavakt við Landsbankann hf. og tekur uppsögnin gildi frá og með 9.mars.
Nánari upplýsingar veitir Theodór Friðbertsson ir@arionbanki.is, Sími: +354 856 6760