Landsbankinn lauk í dag útboði tveggja flokka víkjandi skuldabréfa sem telja til eiginfjárþáttar 2.
Boðin voru til sölu verðtryggð og óverðtryggð skuldabréf á fyrirframákveðnu verði, til ellefu ára með innköllunarheimild að sex árum liðnum og á hverjum vaxtagjalddaga þar á eftir (11NC6). Skuldabréf í óverðtryggðum flokki voru boðin til sölu á ávöxtunarkröfunni 9,60% og skuldabréf í verðtryggðum flokki á 5,70% ávöxtunarkröfu.
Í óverðtryggða flokkinn bárust nítján tilboð að fjárhæð 4.160 m.kr. Tilboðum að fjárhæð 3.000 m.kr var tekið í flokkinn.
Í verðtryggða flokkinn barst 51 tilboð að fjárhæð 21.840 m.kr. Tilboðum að fjárhæð 12.000 m.kr var tekið í flokkinn.
Áætlaður uppgjörsdagur er 7. mars 2024.
![](https://ml-eu.globenewswire.com/media/ZmJkZjUzMzAtOTFkNy00ZWZkLThmNTYtMzAyNjVhZThiNTM5LTEwMzc3NTY=/tiny/Landsbankinn-hf-.png)