LEX ehf., kt. 570297-2289, Borgartúni 26, 105 Reykjavík, sem veðgæsluaðili vegna skuldabréfaflokkanna ITHAKA 070627, ITHAKA 291128 og ITHAKA 051233 („veðgæsluaðili“), boðar að beiðni Íþöku fasteigna ehf., kt. 450613-2580, Lynghálsi 4, 110 Reykjavík („útgefandi“) til funda skuldabréfaeigenda, sem haldnir verða á skrifstofu LEX að Borgartúni 26, 105 Reykjavík, þann 25. mars næstkomandi á eftirfarandi tíma:
1. kl. 10.00 þann 25. mars 2024 vegna ITHAKA 070627
2. kl. 10.30 þann 25. mars 2024 vegna ITHAKA 291128
3. kl. 11.00 þann 25. mars 2024 vegna ITHAKA 051233
Á dagskrá hvers fundar eru eftirfarandi mál:
- Tillaga um nánar tilgreindar breytingar á skilmálum skuldabréfa, sbr. viðhengi við fundarboð þetta.
- Tillaga um að skuldabréfaeigendur staðfesti skipun nýs eftirlitsaðila/staðfestingaraðila.
Tillögur að breyttum skilmálum teljast vera samþykktar ef 90% skuldabréfaeigenda samþykkja breytingarnar. Tillaga um nýjan eftirlitsaðila/staðfestingaraðila telst samþykkt ef 75% fundarmanna á fundi skuldabréfaeigenda samþykkja hana. Atkvæðisréttur skuldabréfaeigenda miðast við fjárhæð skuldabréfaeignar hvers skuldabréfaeiganda í hlutfalli við útistandandi fjárhæð skuldabréfaflokksins. Skal eignarhlutfall hvers skuldabréfaeigenda miðast við skráða eign þeirra í lok þess dags sem fundur skuldabréfaeigenda er boðaður. Eigi útgefandi hluta skuldabréfanna skal sá hluti ekki bera atkvæðisrétt, og eignarhlutfall annarra skuldabréfaeigenda því verða hlutfallslega hærra sem nemur skuldabréfum í eigu útgefanda.
Athygli er vakin á því að ákvarðanir sem teknar eru með tilskyldum atkvæðafjölda á ályktanabærum fundi skuldabréfaeigenda binda alla skuldabréfaeigendur.
Sjá meðfylgjandi viðhengi.
Nánari upplýsingar veitir:
Guðmundur Ingvi Sigurðsson – Lögmaður hjá LEX
sími: 590-2634.
Viðhengi
- Fundarboð fundar skuldabréfaeigenda ITHAKA 070627
- Fundarboð fundar skuldabréfaeigenda ITHAKA 291128
- Fundarboð fundar skuldabréfaeigenda ITHAKA 051233
