Einar Örn Ólafsson, forstjóri PLAY, hefur í dag tekið að sér að auki stöðu framkvæmdastjóra fjármálasviðs félagsins. Ráðstöfunin er tímabundin þangað til nýr fjármálastjóri hefur verið ráðinn. Á sama tíma lætur Ólafur Þór Jóhannesson, fráfarandi framkvæmdastjóri fjármálasviðs, af störfum frá og með deginum í dag, en hann sagði upp störfum að eigin ósk í síðasta mánuði.
