Í gær, þriðjudaginn 3. júlí, lauk formlega söluferli Ríkissjóðs á 15,203% hlut sínum að nafnverði 1.133.356.000 í Hitaveitu Suðurnesja hf. Ríkissjóður óskaði eftir tilboðum í hlutinn og voru tilboð opnuð þann 30. apríl s.l. Hæsta tilboðið var frá Geysi Green Energy að upphæð 7.617.000.000 (gengi 6,7207) og var undirritaður samningur milli aðila um kaupin þann 3. maí. Þá hófst 2 mánaða forkaupsréttartímabil HS hf og síðan hluthafanna og ákvað stjórn á fundi sínum þann 22. maí að nýta ekki forkaupsréttinn og tilkynnti það strax öðrum hluthöfum fyrirtækisins. Forkaupsréttartímabilið rann svo út í gær þann 3. júlí og ákváðu þá 3 hluthafanna að nýta forkaupsrétt sinn þ.e. Reykjanesbær, Hafnarfjarðarbær og Grindavíkurbær og verður því ekki af sölu til Geysis Green Energy að sinni a.m.k. Sjá viðhengi.