Drög að uppgjöri samstæðu Kviku banka hf. fyrir annan ársfjórðung 2022 liggja nú fyrir en samkvæmt þeim er hagnaður fyrir skatta á tímabilinu áætlaður á bilinu 450 – 500 m.kr.
Áætluð afkoma tímabilsins var uppfærð þann 12. maí síðastliðinn og hljóðaði upp á 2,15 – 2,4 ma.kr. í hagnað fyrir skatta á tímabilinu. Hagnaður fyrir skatta var því um 1,8 ma. kr. lægri en áætlanir gerðu ráð fyrir.
Munur á afkomu samstæðunnar og áætlun skýrist af lægri fjárfestingatekjum en gert var ráð fyrir, enda voru aðstæður á verðbréfamörkuðum á ársfjórðungnum með allra versta móti. Hreinar fjárfestingatekjur voru neikvæðar um 0,9 ma.kr en gert hafi verið ráð fyrir að þær yrðu jákvæðar um 1 ma.kr. á tímabilinu. Fjárfestingatekjur voru því 1,9 ma.kr. lægri en gert var ráð fyrir.
Grunnrekstur samstæðunnar var sterkur á tímabilinu. Hreinar vaxtatekjur voru 1,9 ma.kr., hreinar þóknanatekjur 1,6 ma.kr, hrein iðgjöld og tjón 1 ma.kr. og rekstrarkostnaður var 3,2 ma.kr. sem var í samræmi við áætlanir.
Uppgjörið er enn í vinnslu og getur því tekið breytingum fram að birtingardegi en Kvika áætlar að birta niðurstöður ársfjórðungsins eftir lokun markaða þann 18. ágúst næstkomandi. Samhliða því verður uppfærð afkomuspá fyrir næstu fjóra fjórðunga birt.
Nánari upplýsingar veitir Ragnar Páll Dyer, fjármálastjóri, í síma 540-3200 eða í tölvupósti: ragnar.dyer@kvika.is
Vinsamlegast athugið að tilkynning þessi er tilkynning á grundvelli 17. gr. MAR.
