Stjórn Haga hf., kt. 670203-2120, boðar til hluthafafundar í félaginu föstudaginn 30. ágúst 2024 og hefst hann kl. 10:00 á Hilton Reykjavík Nordica, Suðurlandsbraut 2 í Reykjavík.
Dagskrá:
- Tillaga stjórnar um kaupréttarkerfi
- Umræður og önnur málefni sem löglega eru upp borin
Hluthafar sem ekki sjá sér fært að mæta til fundar og heimila ekki öðrum aðila til að mæta á fund í sínu umboði geta tekið þátt í atkvæðagreiðslu á fundinum bréflega. Meðfylgjandi má finna nánari leiðbeiningar og atkvæðaseðil.
Endanleg dagskrá og tillögur verða birtar eigi síðar en föstudaginn 23. ágúst 2024. Hluthöfum er þó bent á að óski þeir eftir að fá mál sett á dagskrá eða leggja fram ályktunartillögur á fundinum þarf að beina því skriflega og í endanlegu formi til félagsstjórnar eigi síðar en 10 dögum fyrir fund, þ.e. eigi síðar en þriðjudaginn 20. ágúst 2024, kl. 10:00, á netfangið hluthafafundur@hagar.is.
Stjórn félagsins vill árétta að forsvarsmenn hluthafa sem sækja fundinn, þ.e. forsvarsmenn fyrirtækja, lífeyrissjóða, fjárfestingasjóða, einstaklinga eða annarra hluthafa, ber að skila umboði við skráningu inn á fundinn. Einnig verða einstaklingar beðnir um að framvísa persónuskilríkjum.
Stjórn Haga hf.
Viðhengi
- Kaupréttarkerfi - tillaga stjórnar til hluthafafundar ágúst 2024
- Leidbeiningar fyrir hluthafa_atkvaedagreidsla ágúst 2024
- Póstatkvæðaseðill hluthafafundur ágúst 2024
- Umboð fyrir hluthafafund ágúst 2024
